Relay er ei veldig enkel teneste som gjer heile jobben med å lage screencasts med, og vi har tilgang til denne gjennom Uninett sin avtale for UH-sektoren. Men, som de sikkert har merka, er det likevel nokre ting ved tenesta som ikkje er heilt «rett fram». Det er til dømes litt vanskeleg å bli vant med tanken om at kontoen ein opprettar for Techsmith Relay ikkje er den kontoen vi brukar ved andre UiB-system. Likevel brukar du UiB-kontoen for å administrer videoane dine. Eg skal prøve å klargjere dette litt:
- Feide/UiB-kontoen:
- Denne kontoen brukar du til å opprette Techsmith Relay-kontoen.
- Du brukar den også til å logge deg på support.ecampus.no, slik at du kan få tilgang til «Min Relay«
- Techsmith Relay-kontoen:
- Denne kontoen brukar du når du skal laste ned programvara, og logge deg på i programvara.
- Du brukar den også for å logge deg på sjølve Techsmith Relay-tenesta, til dømes inne i applikasjonen.
Om du skulle sette deg fast, har DigUiB ei infoside om tenesta her. Dersom du ikkje har fått installert programvara endå, er dette staden å begynne.